Ebazpenak

2015 apirila 17

Nafarroako Arartekoaren (Q15/166) Ebazpena. Horren bidez, Gizarte Politika Departamentuari gomendatu zaio abona dezala egoitzako arretarako zerbitzua kontratatzeko prestazioa, duen gaixotasun mental larriaren ondorioz, kexagilearen ahizpari dagokiona, 2014ko abuztuaren 8tik aurrerako efektuekin.

Gaia: Disconformidad con reclamación de cantidad de deuda.

2015 apirila 16

Nafarroako Arartekoaren (Q14/1038) Ebazpena. Horren bidez, Presidentetza, Justizia eta Barne Departamentuari gogorarazi zaio trafikoko salaketak unean jakinarazteko legezko betebeharra duela, Trafikoari, Ibilgailu Motordunen Zirkulazioari eta Bide Segurtasunari buruzko Legearen testu bateginaren 76.2. artikuluak finkatutako kasuetako bat gertatu ezean. Era berean, Iruñeko Udalari gomendatu zaio efekturik gabe utz dezala kexagileak izapidetutako zigortzeko espedientea, salaketa ez ziotelako arau-haustea egiteko unean jakinarazi.

Gaia: Disconformidad con denuncia de tráfico.

2015 apirila 15

Nafarroako Arartekoaren (Q15/90) Ebazpena. Horren bidez, Presidentetza, Justizia eta Barne Departamentuari gomendatu zaio gutxienez 7 kaboz eta 13 suhiltzailez hornitu dezala Nabaskozeko suhiltzaileen parkea, martxoaren 28ko 85/2014 Foru Agindua aplikatuz.

Gaia: Incumplimiento de la Orden Foral 85/2014.

2015 apirila 15

Nafarroako Arartekoaren (Q15/123) Ebazpena. Horren bidez, Hezkuntza Departamentuari gogorarazi zaio herritarrek aurkeztutako eskaerak berariaz ebazteko betebeharra duela, kexan aipatutakoa barne hartuta. Era berean, Hezkuntza Departamentuari gomendatu zaio atzeraeraginezko efektuekin erabaki dezala kexan adierazitako kasuak bezalakoak bere gain hartuko dituen laguntza ekonomiko bat, horrela, Nafarroako zentro publiko zein pribatuetako batxilergoko ikasketetan ohorezko matrikula eskuratzen duten ikasle guztiek antzeko onura ekonomikoa jaso ahal izan dezaten, goi mailako ikasketak Nafarroako Foru Komunitateko prezio publikoen kudeaketa eremuari dagozkion zentroetan egin ala ez egin gorabehera.

Gaia: Falta de contestación a solicitud.

2015 apirila 14

Nafarroako Arartekoaren Ebazpena (Q15/111). Horren bidez, Gizarte Politiken Departamentuari gomendatzen zaio ondoriorik gabe utz dezala kexagilearen amak jasotzen duen laguntza ekonomikoaren kopuruaren murrizketa. Laguntza hori egoitza-arretako zerbitzuari lotuta dago, eta murrizketa Nafarroako Pertsonen Autonomiarako Agentziaren zuzendari-gerentearen abuztuaren 7ko 3344/2014 Ebazpenaren bidez egin zen. Halaber gomendatzen zaio nolanahi ere, murrizketa bidezkoa dela iritziz gero, atzeraeraginez ez dadila aplikatu eta, beraz, ebazpen horretan ageri denez behar ez den bezala jasotako kopuruen erreklamazioa ondoriorik gabe utz dadila. Gainera, departamentu horri gogora ekartzen zaio bere legezko betebeharra dela herritarrei entzutea haien aurkako erabakiak hartu aurretik (adibidez laguntzak itzultzeko erreklamazioak).

Gaia: Disconformidad con la reducción de cuantia de la ayuda vinculada al servicio.

2015 apirila 14

Nafarroako Arartekoaren Ebazpena (Q15/31). Horren bidez, Iruñeko Udalari gogorarazten zaio bere legezko betebeharra dela bizilagunek haien etxeetan zarata handiegiak ez jasateko duten eskubidea modu eraginkorrean babestea. Halaber, sortutako auzi honi dagokionez, iradoki zaio lokala intsonorizatzea edo isolamendu akustikoa jartzea eska dezala, beste neurri zuzentzaile batzuk baztertu gabe.

Gaia: Ruidos por bajeras de jóvenes.

2015 apirila 14

Nafarroako Arartekoaren Ebazpena (Q15/132). Horren bidez, Noaingo Udalari gogorarazten zaio legearen arabera bere betebeharra dela funtzio publikora sartzeko prozeduretan legeak aurreikusitako baldintzak bete daitezela eskatzea, baita, bidezkoa izanez gero, plantilla organikoan deialdietako lanpostuei buruz aurreikusitako baldintza espezifikoak ere bete daitezela eskatzea, eskakizun gehiagorik gabe. Halaber gomendatzen zaio kexaren egileari ordain diezaiola gidabaimena edukitzea eta gidabaimeneko puntuak edukitzea egiaztatzeko egin behar izan zuen gastua, eskakizun hori bidezkoa ez dela uste izateagatik.

Gaia: Disconformidad con requisitos de convocatoria para contratación temporal.

2015 apirila 14

Nafarroako Arartekoaren Ebazpena (Q14/1029). Horren bidez, Lizarrako Udalari gomendatzen zaio kexaren egileari (jabekideei, esan nahi da) ordain diezaiola AR-3ko egikaritzapen-unitatea birzatitzeko obren eraginpean dagoen 5. poligonoko 196. partzelako lurzorua hiri lurzoru gisa sailkatzeari dagokion kalte-ordaina.

Gaia: Desacuerdo con valoración de parcela.

2015 apirila 14

Nafarroako Arartekoaren Ebazpena (Q15/51). Horren bidez, Hezkuntza Departamentuari gomendatzen zaio kexaren egilearen kontratuaren sinadura geroratzeko epea emandako zerbitzu gisa aintzat har dadila, epe hartan (2010. urtea) amatasun-bajan egon zelako.

Gaia: Falta de reconocimiento de antigüedad por licencia por maternidad.

2015 apirila 14

Nafarroako Arartekoaren Ebazpena (Q15/119). Horren bidez, Hezkuntza Departamentuari gogora ekartzen zaio legezko betebeharra duela herritarrek aurkezten dizkioten eskariak espresuki ebaztea, kexa honen egileak aurkeztutakoak ere bai. Halaber, gomendatzen zaio kexaren egilearen hiru urteko semeari 2014/2015 ikasturtearen hasieran astean eskatzen zitzaizkion logopediako bi orduak berrezartzea, ez delako arrazoirik ikusten ordu horiek kendu edo laburtzeko.

Gaia: Falta de contestación a solicitud de sesiones de logopedia.

2015 apirila 14

Nafarroako Arartekoaren (Q15/139) Ebazpena. Horren bidez, Gizarte Politika Departamentuari gogorarazi zaio formulatzen zaizkion eskaera guztiei berariaz, garaiz eta modu egokian erantzuteko legezko betebeharra duela, eta gomendatu zaio ekin diezaiola, dagoeneko egin ez badu, [...] jaunak 2014ko apirilaren 14an eskatutako dokumentazioa emateari.

Gaia: Error en valoración económica para calculo cuota residencia.

2015 apirila 09

Nafarroako Arartekoaren Ebazpena (O14/17). Horren bidez, Gizarte Politika kontseilariari eskatzen zaio haurrak eta nerabeak sustatu, artatu eta babesteari lotutako iradokizun batzuk onartzeko edo ez onartzeko irizpidea eman dezan.

Gaia: Promoción, Atención y Protección a la Infancia y a la Adolescencia. Año 2014.

2015 apirila 01

Nafarroako Arartekoaren Ebazpena (Q15/75). Horren bidez, Gizarte Politiken Departamentuari iradokitzen zaio kexaren egilearentzat gizarteratze-errenta onar dezala, Gizarteratze-errenta arautzen duen urtarrilaren 23ko 1/2012 Foru Legearen 2.2 aplikatzearen ondoriozko zenbatekoan (410,87 euro), gutxipen gehiagorik gabe, ondorioak 2015eko urtarrilaren 1etik sortu behar direla. Halaber, iradokitzen zaio emandako prestazioa handitzea balora dezala, bizikidetza-egoeran gertatutako aldaketaren arabera, bidezkoa den ondorio-datarekin.

Gaia: Disconformidad con su reducción de la Renta de Inclusión Social.

2015 martxoa 31

Nafarroako Arartekoaren Ebazpena (Q14/865/F). Horren bidez, Osasun Departamentuari gomendatzen zaio ez dezala aplikatu Osasun Departamentuari atxikitako erakunde autonomoetako zentro eta establezimenduetan aldi baterako kontratatzeko izangaien zerrendak kudeatzeko arauak onesten dituen Osasuneko kontseilariaren uztailaren 4ko 62/2014 Foru Aginduaren 2.5 artikulua, artikulu horretan aurreikusten baita salbuespen kasuetan zerrendetara eta zerrenda horien lehentasun hurrenkerara jo gabe kontratazioak egitea, horretarako legezko kausa nahikorik izan gabe. Halaber gomendatzen zaio hala eginez gero ez ditzala denbora aldetik zatikatu kexaren xede diren kontratuak, iraupen luzeko zerrendetara jo behar ez izateko.

Gaia: Supuestas ilegalidades en listas de contratación.

2015 martxoa 30

Nafarroako Arartekoaren Ebazpena (Q15/82 eta Q15/117). Horren bidez, Erriberriko Udalari eta Kultura, Turismo eta Erakunde Harremanetako Departamentuari gomendatzen zaie ondoriorik gabe utz ditzatela kexaren egileek haien etxebizitzen fatxadetan aldarrikapen-pankartak jartzeko duen asmoa zuzenean edo zeharka eragozteko edo oztopatzeko agindutako egintzak. Pankarta horietan, kexaren egileek udalaren hirigintza-jarduketa bat aipatzen dute, haien ustez kalte egin dielako.

Gaia: Denegación de solicitud de colocación de pancartas en fachada.

2015 martxoa 30

Nafarroako Arartekoaren (Q15/52) Ebazpena. Horren bidez, Igantziko Udalari gomendatzea kexan salatutako gaietan esku hartzeko (traktorea gaizki uzteagatik garajeko atea blokeatzea, eta aske dabiltzan txakurrek beldurtzea), erantzuleekin bitartekaritza-lanak eginez edo jokabide hori baztertzeko errekerimendua igorriz.

Gaia: Inactividad del ayuntamiento con reclamaciones de problemas vecinales.

2015 martxoa 26

Nafarroako Arartekoaren Ebazpena (Q15/108). Horren bidez, Ekonomia, Ogasun, Industria eta Enplegu Departamentuari iradokitzen zaio ondoriorik gabe utz dezala […] jaunaren 2013ko PFEZaren likidazioa, ikusita jaun horren asmoa zela aurreko urteetan bezala 2013ko etxebizitza-kontu baterako ekarpenengatik kenkariak aplikatzea, eta ez zekiela araudiak ekarpen horiengatiko kenkaria eten zuela.

Gaia: Disconformidad con propuesta de liquidación del IRPF.

2015 martxoa 24

Nafarroako Arartekoaren Ebazpena (Q15/107). Haren bidez, gomendatzen zaio Hezkuntza Departamentuari emateko kexa aurkeztu duen andreari bere alabak eskolan behar duen arretari buruz CREENA zentroak egindako txostenak. Halaber, iradokitzen zaio, eskumena duten organoen bidez (ikastetxea, CREENA…), kexa aurkeztu duen andrearen alabak (hiru urteko alaba) behar duen berariazko arreta berriro balioztatzeko, balorazio eguneratua eginda, ikasturtean igaro diren hilabeteetan izandako garapenaren eta bilakaeraren arabera, eta, bere kasuan, egun ematen den laguntza handitzeko.

Gaia: Denegación de solicitud de horas de apoyo de cuidador y logopeda.

2015 martxoa 24

Nafarroako Arartekoaren Ebazpena (Q15/11). Haren bidez, gogorarazten zaio Tuterako Udalari salatutako lokal batetik ateratzen den zaratak kalte egindako bizilagunen eskubide konstituzionalak eraginkortasunez babesteko legezko betebeharra duela, beharrezkoak diren eta helburu horretarako heinekoak diren neurriak hartuta. Era berean, gomendatzen zaio, kexaren helburu den tabernari dagokionez, zaraten gaian legezkotasuna betetzen dela kontrolatzeko neurriak muturrera eraman eta areagotu ditzala, zehatzeko neurriak hartuta, bere kasuan, edo beharrezkoa bada, zirt edo zartekoagoak diren neurriak, ongi baloratuta gaueko ordutegian jarduera etetea agintzeko aukera edo, are gehiago, aldi baterako ixteko aukera.

Gaia: Molestias de ruido por bar.

2015 martxoa 24

Nafarroako Arartekoaren Ebazpena (Q15/81). Haren bidez, Iruñerriko Mankomunitateari iradokitzen zaio kexaren egilearekin elkarlanean jarraitzeko lokalean dauden iragazketen jatorria detektatzen, egokiak diren neurriak hartuta.

Gaia: Falta de solución filtraciones de agua en un local.