Partekatu edukia
19/22 EBAZPENA, ekainaren 14koa, Nafarroako Arartekoarena, Nafarroako Arartekoaren egoitzaren garbiketa-zerbitzuaren kontratua beste urtebetez, 2022ko uztailaren 1etik 2023ko ekainaren 30era arte, luzatzea onartzen duena.
Ekainaren 30eko 22/20 Ebazpenaren bidez, Nafarroako Arartekoaren egoitza garbitzeko zerbitzuaren kontratazioa esleitu zen 2020ko uztailaren 1etik 2021eko ekainaren 30era bitarteko aldirako, zegokion kontratua formalizatuta; bi aldeek sinatu zuten 2020ko ekainaren 30ean. Gero, ekainaren 28ko 18/21 Ebazpenaren bidez, kontratua urtebete luzatzea onartu zen, eta luzapen-dokumentua sinatu zuten bi alderdiek.
Laster amaituko da lehenengo luzapena, eta, kudeaketa-teknikariaren txostenak, txosten juridikoa eta kontu-hartzailearen txostena aztertu ostean, eta Kontratu Publikoei buruzko apirilaren 13ko 2/2018 Foru Legea aintzat hartuta,
HAU EBATZI DUT:
Lehena.- Nafarroako Arartekoaren egoitzaren garbiketa-zerbitzuaren kontratua luzatzea onartzea, 2022ko uztailaren 1etik 2023ko ekainaren 30era bitartean. Kontratua 2020ko ekainaren 30ean sinatu zen Eulen, SA enpresarekin […].
Bigarrena.- Luzapen horrek berarekin ekarriko dituen gastuak baimentzea eta konprometitzea 2022ko uztailaren 1etik abenduaren 31ra bitarteko epeari dagokionez; gastu horiek 9.142,14 euroko dira (BEZa barne), indarraldian dagoen gastuen aurrekontuko 2271 partidaren kontura (“Garbiketa- eta txukuntze-zerbitzuak”).
Hirugarrena.- Adierazitako luzapenak berarekin ekarriko dituen gastuak, 2023ko urtarrilaren 1etik ekainaren 30era arteko aldiari dagokionez, 2023ko ekitaldiari aplikatuko zaizkio, 2023ko ekitaldiko gastu-aurrekontuko 2271 partidan (“Garbiketa- eta txukuntze-zerbitzuak”) kreditu egokia eta nahikoa izanez gero.
Laugarrena.- Ebazpen hau enpresa esleipendunari eta kontu-hartzaileari helaraziko zaie.
Iruñean, 2022ko ekainaren 14an.
El Defensor del Pueblo de Navarra
Nafarroako Arartekoa
Patxi Vera Donazar
Partekatu edukia