Ebazpenak

Urriaren 9ko 196/2009 Ebazpena, Nafarroako Arartekoarena, [?] andreak aurkeztutako kexari buruzkoa.

Hezkuntza eta Irakaskuntza

Gaia: Disconformidad con la falta de subvención para el comedor escolar por la condición de familia numerosa

Exp: 09/413/E

Nº: 196

Hezkuntza eta irakaskuntza

AURREKARIAK

1. 2009ko ekainaren 12an, [?] andreak aurkeztutako idazki bat sartu zen gure erakundean. Haren bidez, kexa bat aurkezten zuen Zangozako Udalaren aurkako kexa bat aurkezten zuen, familia ugariei eskola-jantokirako diru-laguntza emateko egindako eskariari ezezkoa emateagatik.

   Azaltzen du beste eskola batzuetan familia ugariek eskolako jantokia erabiltzeko diru-laguntza jasotzen dutela, eta Zangozako Udalak berak haur eskolarako –jantokia barne– diru-laguntza ematen duela, eta familia ugariei, halaber, musika-hezkuntzarako diru-laguntza ematen zaiela. Eta hala eta guztiz ere, udal horrek ez du komenigarritzat jotzen familia ugariei eskola-jantokirako laguntza ematea.

2. 2009ko ekainaren 25ean, kexaren edukiari buruzko txosten bat eskatu zitzaion Zangozako Udalari. Erantzuteko emandako epean erantzunik jaso ez genuenez, 2009ko abuztuaren 6an, berriz ere eskatu genion informazioa. Bigarren informazio-eskari horren erantzunik ere ez zaigu heldu emandako epean.

AZTERKETA

Nafarroako Foru Komunitateko Arartekoari buruzko uztailaren 3ko 4/2000 Foru Legeak 26. artikuluan xedatzen duenez, “botere publiko eta erakunde guztiek laguntza eman behar diote Nafarroako Foru Komunitateko arartekoari lehentasunez eta presaz haren ikerketa eta ikusketetan”.

Agintari edo funtzionario publiko guztiek erakunde honi laguntzeko duten betebeharra ez da soilik teorikoa; izan ere, hura ez betetzeak ondorio larriak ekar ditzake.

Nafarroako Foru Komunitateko Arartekoari laguntzeko betebeharra ez betetzeak, informazioa bidatzen arrazoirik gabe atzeratzeak, jarduerak ez justifikatzeak eta, azken batean, erakundeen arteko harremanetan praktika okerra suposatzen duen beste edozein ekintzak beraiekin ekartzen dute parlamentu-erakunde honetaz arintasunez eta eraginkortasunez baliatzeko herritarrek duten eskubidea murriztea, eta antolamendu juridikoa urratzen du.

Administrazio arloan laguntza emateko betebeharra ez betetzeak dauzkan ondorioei dagokienez, honakoa jasotzen du Nafarroako Foru Komunitateko arartekoari buruzko uztailaren 3ko 4/2000 Foru Legeko 24.2 artikuluak: “Hasieran eskatutako txostena edo dokumentazioa ez dutela bidaliko edo eskura jarriko esaten badute Administrazio Publikoen zerbitzuko langileek, edo arduragabekeriaz jarduten badute, Nafarroako Foru Komunitateko arartekoak uste ahal izanen du bere eginkizunen kontrakoak edo oztopatzekoak direla egintza horiek; hori ezagutarazi eginen du berehalakoan, eta Nafarroako Parlamentuarentzat egindako urteko txostenean edo txosten berezian kalifikazio hori nabarmendu eginen du.”

Aurreko guztia dela eta, erakunde hau arautzen duen foru legeko 34.1 artikuluan ezarritakoari jarraituz,

EBATZI DUT:

1. Ulertzea bere eskarietarako erantzun espresa eta motibatua jasotzeko [?] andreak duen eskubidea urratu dela, zeren eta ukitutako administrazioak ez baitu kontrakoa egiaztatu.

2. Zangozako Udalari gogoraraztea legez beti bete behar duela Nafarroako Foru Komunitateko Arartekoari buruzko uztailaren 3ko 4/2000 Legeko 24.1 eta 26.1 artikuluetan ezarritakoa, Nafarroako Foru Komunitateko Arartekoaren erakundeari lankidetza eta lehentasunezko laguntza emateari buruzkoa.

3. Zangozako Udalari gomendatzea familia ugarientzako eskola-jantokirako laguntzen linea bat ezartzeko aukera azter dezan, eta horri buruzko ebazpen espresa eta motibatua eman dezan.

4. Zangozako Udalari bi hileko epea ematea erakunde honi jakinarazteko behar diren neurriak hartu dituen azaldutako zentzuan edo hori ez egiteko arrazoiei buruz informatzeko, eta ohartarazten zaio hala egiten ez badu, gertatutakoa 2008ko ekitaldiari buruz Nafarroako Parlamentuan aurkeztuko dudan urteko txostenean jasoko dudala.

5. Nabarmentzea Zangozako Udalak laguntzarik ez emateko jarrera izan duela, 2009ko ekitaldiari buruzko urteko txostenean, Nafarroako Parlamentuan aurkeztu beharrekoan, horixe jasotzearen ondorioetarako, eta halaber, udal hori Administrazio eta Entitate Ez-Kolaboratzaileen Erregistroan –Nafarroako Arartekoaren azaroaren 9ko 43/2007 Ebazpenaz sortutakoa (2007ko azaroko 34. NPAO)– sartzea, eta sartze horren berri ematea erakundearen webgunean, udaleko alkatetza berariaz aipatuz, baldin eta ebazpen honi arrazoiak emanez erantzuten ez badio edo hartan ezarritako irizpidea onartzen ez badu.

6. Erabaki hau Zangozako Udaleko alkateari eta kexa-egileari jakinaraztea, eta haiei jakitera ematea erakunde hau arautzen duen Foru Legeko 35.4 artikuluan ezarritakoaren arabera, ez dela zilegi ebazpen honen kontrako errekurtsorik jartzea.

Nafarroako Arartekoa

Francisco Javier Enériz Olaechea