Partekatu edukia
Haziak Administrazioaren tutoretzapean egon diren pertsonek sortu zuten 2021ean, tutoretzapeko neska-mutilei laguntzeko; izan ere, adin-nagusitasunera iristean, tutoretzarik gabeko bizitza heldu bati egin behar diote aurre. Haziak elkarteak laguntza, aholkularitza psikologikoa, lan- eta prestakuntza-orientazioa eskaintzen die, bai eta aisiarako eta beste pertsona batzuekiko harremanetarako aukerak ere. Azken ekimenetako bat Belaunaldi arteko Aisialdi Programa da, tutoretzapeko etxebizitzetako neska-mutilak egoitzetako hirugarren adinekoekin harremanetan jarriko dituena.
Bileran, Arartekoak interesa agertu zuen tutoretzapeko eta tutoretzapean egondako gazteen arazo eta zailtasunengatik.Besteak beste, Haziak elkarteak adierazi zuen tutoretzapeko etxebizitzetan ez dagoela laguntza-figura egonkorrik konfiantzazko loturak sortzeko. Era berean, osasun mentaleko prebentzioa areagotzea eta kolektibo hori artatzen duten administrazioen eta erakundeen arteko koordinazioa areagotzea eskatu zuen, edozein arrisku-egoera detektatzeko. Haziak elkartearen iritziz, oso beharrezkoa da gizartea positiboki sentsibilizatzeko kanpainak egitea, gazte horiek pairatzen duten estigma gainditzen laguntzeko.
Bileran parte hartu zuten Haziak elkartearen aldetik, Irati Vidán presidente eta sortzaileak, Maider Sabaté gizarte-langileak eta Sandra García tutoretzapeko ohia boluntarioak. Instituzioaren aldetik, Patxi Vera Arartekoa, Inés Monreal aholkulari juridikoa eta Susana Galilea Kabineteburua izan ziren.
Partekatu edukia