Partekatu edukia
Nafarroako Arartekoak gizarte-arloko erakundeekin egiten ari den bilera-errondan, Gizakia Helburu Fundazioak bilera bat eskatu zuen, ostiralean egin zena, Arartekoaren egoitzan.
Fundazioa interes sozialeko erakundea da, irabazi-asmorik gabea, adikzioen prebentzio eta tratamendu integralaren alde lan egiten duena, bai eta sentsibilizazioaren arloan ere. 2021ean, 226 pertsona artatu zituen Harrera Zerbitzuaren bidez, eta 74 Iruñeko espetxeko Zerbitzuaren bidez. Gainera, 130 pertsonak parte hartu zuten Aldatuy 80 programa anbulatorioan, Lizarrako Komunitate Terapeutikoan. 43 profesionalek eta 66 boluntariok familia-laguntzako, gizarteratzeko eta laneratzeko eta laguntza juridikoko zerbitzuak ere eman zituzten.
Nafarroako Gizakia Helburu proiektuak gaur egun dituen zailtasun nagusien artean, instalazio batzuen prekarietatea eta jarduerak garatzeko lokal egokiak izateko beharra daude.
Ostiraleko bileran, Gizakia Helbururen aldetik, proiektuaren zuzendari nagusi Alfonso Aranak, zuzendari tekniko Cristina Illescasek eta presidente José Antonio Arrietak parte hartu zuten. Instituzioaren aldetik, Patxi Verak, Arartekoa, eta Susana Galileak, Kabineteko burua, hartu zuten parte.
Partekatu edukia