Partekatu edukia
Entitatearen ordezkariek azaldu zuten Cáritas Iruñea-Tuteraren lana gizarte-bazterkeriako prozesuak prebenitzea eta arintzea dela, harrera eta laguntza oinarri duten programen bidez. 50 langilek eta 700 boluntariok osatzen dute, eta bi egoitzatan eskaintzen dituzte zerbitzuak: zentro okupazional batean, eguneko zentro batean, jantoki sozial batean eta 12 pisu gainbegiratutan.
Bileran, Arartekoak galdetu zuen zer eragozpen nagusi gainditu behar dituzten migratzaileek, bazterketa-egoeran dauden pertsonek eta behartsuenek. Saioan jorratutako arazo garrantzitsuenen artean honako hauek aipatu ziren: erroldatzeko zailtasunak, etxebizitzarik eza, etxegabetzeetan gertatzen diren abusuak, eta osasun mentaleko arazoak dituzten eta arreta medikorik ez duten pertsonen kasuen gorakada.
Bi erakundeak bat etorri ziren gizartea sentsibilizatzearen garrantzian, kalteberatasun-egoeran dauden pertsonei arreta ematen dieten gizarte-politiken alde egiten jarrai dezan eta bizikidetza bidezkoagoa eta solidarioagoa lor dezan.
Bileran izan dira Cáritas Iruñea-Tuteraren aldetik, Ángel Iriarte (Presidentea) eta Amelia Loitegui (Laguntza-zerbitzua eta parrokiak). Arartekoaren aldetik, Patxi Vera titularra eta Susana Galilea kabineteko burua izan ziren.
Partekatu edukia