Partekatu edukia
Bilera elkartearen egoitzan egin zen, Antsoainen, eta Arartekoa gizarte-entitateekin egiten ari den elkarrizketa-erronda baten parte da, kolektibo guztien premiak eta arazoak ezagutzeko.
La Majarí elkarteak 35 urte baino gehiago daramatza ijito-komunitatearekin lanean, bereziki Iruñean eta bere Eskualdean bizi denarekin, erabiltzaileen % 85 baita.
Arartekoak interesa agertu zuen elkarteak garatzen dituen programen inguruan, hala nola Hezkuntza, Harrera edo Etxebizitza.
Hezkuntzaren eremuan, ijito-komunitatean eskola-absentismoaren tasa handia izateagatik kezkatuta dagoela adierazi zuen elkarteak, eta Hezkuntza Departamentuak inplikazio handiagoa izatea eskatu zuen datu horiek hobetzeko. Lan-ildo horretan, eskola-sustatzaileek egiten duten lana nabarmendu zuen La Majarí elkarteak.
Bileran, La Majarí elkartearen izenean, José Luis Jiménez presidenteak eta Olga Navarlás eta Amaia Larráyoz gizarte-langileek parte hartu zuten. Instituzioaren aldetik, Patxi Vera Arartekoa eta Susana Galilea kabineteburua izan ziren.
Partekatu edukia