4/22 EBAZPENA, urtarrilaren 27koa, Nafarroako Arartekoarena. Horren bitartez, Nafarroako Arartekoaren erakundeko langileen 2022rako urteko ordainsari gordinak finkatzen dira, eta langileen gastu horiek finantzatzeko behar diren kredituak baimendu eta horien gaineko konpromisoa hartzen da

2022 urtarrila 27

4/22 EBAZPENA, urtarrilaren 27koa, Nafarroako Arartekoarena. Horren bitartez, Nafarroako Arartekoaren erakundeko langileen 2022rako urteko ordainsari gordinak finkatzen dira, eta langileen gastu horiek finantzatzeko behar diren kredituak baimendu eta horien gaineko konpromisoa hartzen da.

Ikusi da kudeaketako teknikariaren txostena eta aintzat hartu da honako hauetan ezarritakoa: 18/2021 Foru Legea, abenduaren 29koa, Nafarroako 2022. urterako Aurrekontu Orokorrei buruzkoa; eta 22/2021 Legea, abenduaren 30ekoa, Estatuko 2022. urterako Aurrekontu Orokorrei buruzkoa, 4/2000 Foru Legea, uztailaren 3koa, Nafarroako Foru Erkidegoko Arartekoarena; Nafarroako Parlamentuko erregelamendu ekonomiko-finantzarioa eta Nafarroako Arartekoaren otsailaren 26ko 17/08 eta urtarrilaren 26ko 6/09 ebazpenak.

HAU EBAZTEN DUT:

Lehenengoa.- Xedatzea Nafarroako Arartekoko langileen ordainsariak Nafarroako 2022. urterako Aurrekontu Orokorrei buruzko abenduaren 29ko 18/2021 Foru Legean 2022rako ezarritako gehieneko igoera globala adina igoko direla 2022ko urtarrilaren 1etik aurrera.

Bigarrena.- Xedatzea Nafarroako Ararteko jaun txit gorenaren 2022rako urteko ordainsari gordina 72.084,74 eurokoa izango dela, hau da, Nafarroako Gobernuko kontseilariaren ordainsariaren baliokidea.

Hirugarrena.- Xedatzea Nafarroako Arartekoko idazkari nagusi - aholkulari tekniko kargurako 2022rako urteko ordainsari gordina 59.254,16 izango dela, hau da, Nafarroako Foru Erkidegoko Administrazioko Zerbitzu Zuzendaritzaren ordainsariaren baliokidea. Horrek esan nahi du % 5,06 igo dela.

Laugarrena.- Xedatzea Nafarroako Arartekoko aholkulari tekniko kargurako 2022rako urteko ordainsari gordina 56.400,12 izango dela, hau da, Nafarroako Foru Erkidegoko Administrazioko Zerbitzu Zuzendaritzaren ordainsariaren baliokidea.

Bosgarrena.- Xedatzea Nafarroako Arartekoko Kabinete posturako 2022rako urteko ordainsari gordina 34.760,18 eurokoa izango dela, hau da, Nafarroako Gobernuko kontseilariaren ordainsariaren baliokidea.

Seigarrena.- Baimena ematea hurrengo kreditu-transferentzia hauek egiteko indarrean dagoen gastu-aurrekontuaren koadro atxikian zehaztutako partiden kargura:

Partida	Izena	Jatorrizko partida	Helmugako partida

1604	I. kapitulua, funtsa	9.131,64
1000	Defendatzailearen ordainsariak		1.413,44
1100	Behin-behineko langileen ordainsariak		5.183,08
1230	Funtzionarioen ordainsariak		2.535,12
1230	Funtzionarioen ordainsariak	38.571,12
1310	Kontratatutako langileen ordainsariak		38.571,12

Zazpigarrena.- Baimena ematea eta konpromisoa hartzea aurreko puntuetan onartutako Nafarroako Arartekoaren erakundeko langileentzako 2022 ekitaldiko urteko ordainari gordinetatik eratorritako gastuak 2022 ekitaldirako indarrean dagoen gastu-aurrekontuko partida hauen kargura egiteko:

Partida	Izena	Zenbatekoa

1000	Defendatzailearen ordainsariak	72.084,74
1100	Behin-behineko langileen ordainsariak	264.346,74
1230	Funtzionarioen ordainsariak	90.724,76
1310	Kontratatutako langileen ordainsariak	38.571,12
1600	Gizarte Segurantza	103.624,34

Zortzigarrena.- Ebazpen hau kontu-hartzaileari jakinaraztea.

Iruñea, 2022ko urtarrilaren 27an.

El Defensor del Pueblo de Navarra

Nafarroako Arartekoa

Francisco Javier Enériz Olaechea