Ebazpena, urtarrilaren 16koa, Nafarroako Arartekoarena, Nafarroako Arartekoa erakundearen zerbitzuko langileendako 2017. urteko lan-egutegia-onartzen duena.

2017 urtarrila 16

Nº: 3

3/17 EBAZPENA, urtarrilaren 16koa, Nafarroako Arartekoarena, Nafarroako Arartekoaren erakundeko langileentzako 2017. urteko lan egutegia onartzen duena.

Ikusi da Kudeaketako teknikariaren txostena eta aintzat hartu dira honako arau hauek: 207/2016 Foru Agindua, abenduaren 23koa, Lehendakaritzako, Funtzio Publikoko, Barneko eta Justiziako kontseilariak emana, zeinaren bidez onesten baita Nafarroako Foru Komunitateko Administrazioaren eta haren erakunde autonomoen zerbitzuko langileen 2017ko lan egutegia; 116/2016 Foru Dekretua, abenduaren 21ekoa, zeinaren bidez zehazten baita zer egun izanen diren baliogabe 2017. urtean, Nafarroako Foru Komunitatean, epeen zenbaketarako; 746/2016 Ebazpena, ekainaren 17koa, Politika Ekonomiko eta Enpresarialaren eta Lanaren zuzendari nagusiak emana, Nafarroako Foru Komunitatearen esparruan ordaindu bai baina errekuperatu behar ez diren 2017ko jaiegunen egutegi ofiziala ezartzen duena; 1425/2016 Ebazpena, azaroaren 22koa, Politika Ekonomiko eta Enpresarialaren eta Lanaren zuzendari nagusiak emana, zeinaren bidez zehazten baitira ordaindu bai baina errekuperatu behar ez diren 2017ko jaiegunak, Nafarroako Foru Komunitatearen esparrurako; eta Nafarroako Parlamentuko ordezkarien eta Nafarroako Parlamentuko funtzionarioen Langileen Batzordearen arteko akordioa, 2008tik 2011ra bitartekoa, Nafarroako Parlamentuko Mahaiak 2009ko abenduaren 28ko bilkuran onetsia.

HAU EBAZTEN DUT:

Lehenengoa.- Onestea Nafarroako Arartekoaren erakundeko langileentzako 2017. urteko jaiegunen eta aste barruko egun berezien egutegia; hau izango da:

Urtarrilaren 6a: Errege eguna
Apirilaren 13a: Ostegun Santua
Apirilaren 14a: Ostiral Santua
Apirilaren 17a: Pazko bigarrena
Maiatzaren 1a: Langilearen Eguna
Uztailaren 6a: San Fermin bezpera; jai izango da 12:00etatik aurrera Iruñean lan egiten dutenentzat
Uztailaren 7a, 8a eta 10a: San Fermin jaiak; jai izango dira Iruñean lan egiten dutenentzat
Uztailaren 25ª: Santiago Apostolea
Abuztuaren 15a: Ama Birjinaren Jasokundea
Urriaren 12a: Espainiako Jai Nazionala
Azaroaren 1a: Santu Guztien Eguna
Azaroaren 29a: San Saturnino; jai izango da Iruñean lan egiten dutenentzat
Abenduaren 4a: San Frantzisko Xabierkoa, Nafarroako Eguneko hurrengo astelehena
Abenduaren 6a: Konstituzioaren Eguna
Abenduaren 8a: Sortzez Garbiaren Eguna
Abenduaren 25a: Eguberri eguna

Bigarrena.- Hau izango da ohiko lanaldia:

Urtarrilaren 1etik ekainaren 14ra eta irailaren 15etik abenduaren 31ra:

Astean bi egunetan, astelehenetik ostegunera: lanaldi jarraitua, 8:00etatik 15:00etara.
Astean bi egunetan, astelehenetik ostegunera: lanaldi zatitua, 8:00etatik 14:00etara eta 16:00etatik 18:00etara.
Ostiraletan: lanaldi jarraitua, 8:00etatik 14:30era.

Ekainaren 15etik irailaren 14ra:

Lanaldi jarraitua, 8:00etatik 15:00etara.

Hirugarrena.- 13 ordutako lan-poltsa ezartzen da, erabateko arduraldia ez duten langileentzat, ohizko lanordu edo arduraldia baino gehiago behar duten, asistentzia, jardunaldi, tailer, bilera, bidai edota Arartekoak eskatzen duen edozein aktotara efektiboki destinatzeko izango dira ordu hauek

Laugarrena.- 2017. urteko epeak zenbatze aldera, egun baliogabeak izango dira abenduaren 21eko 116/2016 Foru Dekretuan eta Politika Ekonomiko eta Enpresarialaren eta Lanaren zuzendari nagusiak emandako ekainaren 17ko 614/2017 Ebazpenean zehaztutakoak: 2017ko larunbat eta igande guztiak, urtarrilaren 6a, apirilaren 13a, 14a eta 17a, maiatzaren 1a, uztailaren 25a, abuztuaren 15a, urriaren 12a, azaroaren 1a eta abenduaren 4a 6a, 8a eta 25a.

Bosgarrena.- Ebazpen honen berri ematea kontu-hartzaileari.

Iruñea, 2017ko urtarrilaren 16a.

El Defensor del Pueblo de Navarra

Nafarroako Arartekoa

Francisco Javier Enériz Olaechea