Ebazpena, urriaren 21ekoa, Nafarroako Arartekoak emana, urtebeteko prestakuntza-beka ematen duena, Nafarroako Arartekoaren instituzioan aritzeko.

2019 urria 21

Nº: 26

26/2019 EBAZPENA, urriaren 21ekoa, Nafarroako Arartekoak emana, urtebeteko prestakuntza-beka ematen duena, Nafarroako Arartekoaren instituzioan aritzeko.

Abuztuaren 23ko, 20/2019 Ebazpenaren bitartez, Nafarroako Arartekoak, urtebeteko bi prestakuntza-beken deialdien oinarriak onetsi zituen, Zuzenbideko titulua duten pertsonentzat. Oinarri horiek Nafarroako Aldizkari Ofizialean, 173. zenbakia, 2019ko irailaren 3koa, Nafarroako Parlamentuko Aldizkari Ofizialean, 8. zenbakian, 2019ko irailaren 3an eta instituzioaren espazio digitalean argitaratu ziren.

Kontu-hartzailearen txostena ikusita, Ebaluazio Batzordearen urriaren 2ko eta urriaren 9ko aktak, aurkeztutako eskaeren baldintzak egiaztatu ondoren, onartutako eskaerak eta egindako elkarrizketak baloratzen dira, hurrenez hurren, eta Ebaluazio Batzordeak 2019ko urriaren 16an aurkeztutako proposamenarekin bat egin da.

Nafarroako Parlamentuko Mahaiak 2005eko azaroaren 21ean onetsitako Nafarroako Arartekoaren antolakuntza eta funtzionamendu Erregelamenduaren 7. artikuluak emandako botereen erabileran.

HAU EBAZTEN DUT:

Lehenengoa.- Prestakuntza-beka bat ematea, Nafarroako Arartekoaren erakundean, Inge Zelaia Zubikoa andrea, Zuzenbideko gradua duena.

Bigarrena.- Formakuntza beka 2020ko urtarrilaren 1ean hasiko da eta 2020ko abenduaren 31n bukatuko da.

Hirugarrena.- Bekarengatik eratorritako gastuak 2020ko ekitaldira bideratuko dira, eta 1600, Gizarte Segurantza enpresaren kargura deituriko partidan eta 4890 Bekentzako transferentzia deituriko partidan kreditu nahiko eta egokia egotera baldintzatuko dira, 2020ko ekitaldian.

Laugarrena.- Ebazpen honen kontra ezarri daiteke:

Berraztertzeko errekurtsoa, Nafarroako Arartekoaren aurrean, hilabeteko epean, ebazpenaren berri ematearen biharamunetik aurrera, betiere Administrazio Publikoen Administrazio Prozedura Erkideari buruzko urriaren 1eko 39/2015 Legearen 40. artikuluan ezarritako eran.
Administrazioarekiko auzi-errekurtsoa, Nafarroako Auzitegi Gorenaren Administrazioarekiko Auzien Salaren aurrean, bi hilabeteko epean, ebazpenaren berri ematearen biharamunetik aurrera, betiere Administrazio Auzi Jurisdikzioari buruzko uztailaren 13ko 29/1998 Legean ezarritako eran.

Bostgarrena.- Ebazpen honen berri ematea interesdunari eta kontu-hartzaileari, eta instituzioaren eremu digitalean argitaratzea ( www.defensornavarra.com).

Pamplona-Iruña, 2019ko urriaren 21ean.

El Defensor del Pueblo de Navarra

Nafarroako Arartekoa

Francisco Javier Enériz Olaechea