Ebazpena, otsailaren 16koa, Nafarroako Arartekoarena, Nafarroako Arartekoaren egoitza garbitzeko laguntza teknikorako kontratua beste urtebete, 2017ko martxoaren 1etik 2018ko otsailaren 28ra arte, luzatzea onartzen duena.

2017 otsaila 16

Nº: 10

10/17 EBAZPENA , otsailaren 16koa, Nafarroako Arartekoarena, Nafarroako Arartekoaren egoitza garbitzeko laguntza teknikorako kontratua beste urtebete, 2017ko martxoaren 1etik 2018ko otsailaren 28ra arte, luzatzea onartzen duena.

Otsailaren 29ko 13/16 Ebazpenaren bidez, Nafarroako Arartekoaren egoitza 2016ko martxoaren 1etik 2017ko otsailaren 28ra arte garbitzeko zerbitzuak emateko kontratua esleitu zitzaion […] enpresari, eta bi alderdiek 2016ko otsailaren 29an sinatu zuten laguntza-kontratua. Gero, otsailaren 16ko 10/17 Ebazpenaren bidez, kontratua urtebete luzatzea onartu zen, eta luzapen-dokumentua sinatu zuten bi alderdiek.

Laster iritsiko da 2017ko martxoaren 1etik 2018ko otsailaren 28ra doan epearen iraupenerako kontratuaren luzapena egiteko epemuga, eta, kudeaketa-teknikariaren txostenak, txosten juridikoa eta kontu-hartzailearen txostena aztertu ostean,

HAU EBAZTEN DUT:

Lehena .- Nafarroako Arartekoaren egoitza garbitzeko laguntza teknikorako kontratua beste urtebete luzatzea onartzea: 2017ko martxoaren 1etik 2018ko otsailaren 28ra arte.

Bigarrena .- Prezioen berrikuspena egiteko, aurreko urteko Nafarroako KPIa erabiliko da, dagokion erakunde ofizial eskudunak ezarritakoaren arabera.

Hirugarrena .- Luzapen horrek eragingo dituen gastuak, 2017ko martxoaren 1etik abenduaren 31ra arteko aldiari dagokionez, indarrean dagoen gastu-aurrekontuko 2271 partidaren kontura (garbiketa-zerbitzuak) baimendu eta konprometituko dira. Aplikatuko den tarifa kalkulatzeko, Nafarroako KPIak 2016ko martxotik 2017ko otsailera egindako aldaketa aintzat hartuko da.

Laugarrena .- Adierazitako luzapenak eragingo dituen gastuak, 2018ko urtarrilaren 1etik otsailaren 28ra arteko aldiari dagokionez, 2018ko ekitaldiari aplikatuko zaizkio, 2018ko gastu-aurrekontuko 2271 partidan (garbiketa-zerbitzuak) kreditu egokia eta nahikoa izanez gero.

Bosgarrena .- Ebazpen hau kontu-hartzaileari eta enpresa adjudikaziodunari helaraziko zaie.

Iruñean, 2017ko otsailaren 16an.

El Defensor del Pueblo de Navarra

Nafarroako Arartekoa

Francisco Javier Enériz Olaechea