Ebazpena, irailaren 27koa, Nafarroako Arartekoarena, Nafarroako Arartekoaren erakundearen 2018ko ekitaldirako Aurrekonturako Aurreproiektua onartzen duena.

2017 iraila 27

Nº: 25

25/17 EBAZPENA, irailaren 27koa, Nafarroako Arartekoarena, Nafarroako Arartekoa erakundearen 2018 ekitaldirako aurrekontuaren aurreproiektua onartzen duena.

Hau dio Nafarroako Foru Komunitateko arartekoari buruzko uztailaren 3ko 4/2000 Foru Legeak bere 43. artikuluan: Nafarroako Foru Komunitateko arartekoak bere aurrekontuaren aurreproiektua eginen du, eta Parlamentuko Aurrekontuaren proiektua arautzen duten arauei jarraiki tramitatutako da.

Ildo berean, hau dio erakundearen Antolaketa eta Funtzionamendu Erregelamenduaren 29.2 artikuluak: Nafarroako Foru Komunitateko arartekoak aurrekontuen aurreproiektua onetsi eta Parlamentuko lehendakariaren bidez Eledunen Batzarrari helaraziko dio, aurrekontuen proiektua onets dezan.

Aurreproiektua egin denez, dagokion tramitazioa egin dadin,

HAU EBAZTEN DUT:

Lehenengoa.- Onestea Nafarroako Arartekoa erakundearen 2018 ekitaldiko aurrekontuaren aurreproiektua; bertan jasota daude azalpenen memoria, kapitulu ekonomikoen araberako sailkapena eta urte horretarako plantilla organikoaren proposamena.

Bigarrena.- Kapitulu ekonomikoen araberako sailkapena egitea (transferentzia arruntak eta kapital-transferentziak), 2018 ekitaldirako Nafarroako Aurrekontu Orokorrei buruzko Foru Legearen Proiektuan sartzeko.

Hirugarrena.- Dokumentu hori Nafarroako Parlamentuko lehendakariari helaraztea, dagokion tramitazioa egin dezan.

Iruñea, 2017ko irailaren 27an.

El Defensor del Pueblo de Navarra

Nafarroako Arartekoa

Francisco Javier Enériz Olaechea