Ebazpena, ekainaren 23koa, Nafarroako Arartekoarena, Nafarroako Arartekoaren komunikazio instituzionalaren kudeaketa- eta aholkularitza-zerbitzuak kontratatzeko prozedura hasten duena, 2020ko abuztuaren 1etik 2021eko uztailaren 31a arteko epealdirako.

2020 ekaina 23

Nº: 18

18/20 EBAZPENA, ekainaren 23koa, Nafarroako Arartekoarena, Nafarroako Arartekoaren komunikazio instituzionalaren kudeaketa- eta aholkularitza-zerbitzuak kontratatzeko prozedura hasten duena, 2020ko abuztuaren 1etik 2021eko uztailaren 31a arteko epealdirako.

Aipatutako zerbitzuak kontratatzeko beharra ondorioztatzen duen txostena, kontratazioa arautzen duten baldintzen agiria, txosten juridikoa eta kontu-hartzailetzaren txostena ikusita, kreditu-erreserba egiaztatzen duena, Kontratu Publikoei buruzko apirilaren 13ko 2/2018 Foru Legea kontuan hartuta.

HAU EBAZTEN DUT:

Lehena.- Artworks Comunicación, S.L., Carlos Fernández Prego, CDC Comunicación, S.L., Gabineteseis Comunicación Navarra, S.L. eta Ilune Diseño, S.L. enpresei zerbitzu horiek emateko eskaintzak aurkeztu ditzatela eskatzea, euren ezaugarriak kontuan hartuz, eskaintzaren eskaerari erantsitako kontratazioa arautzen duten baldintzen pleguan deskribatzen diren bezala, eta horretarako, 2020ko uztailaren 3ko 14:00etara arteko epea ematea.

Bigarrena.- Zerbitzu horiek kontratatzeko gehienezko gastua urteko 24.000 euro izan dadin finkatzea, BEZa kanpo; 2021eko ekitaldiari egoztekoa den gastua onartuko da, baldin eta 2021eko gastu-aurrekontuko 2279 partidan (Egindako bestelako lanak izenekoa) kreditu egokia eta nahikoa baldin badago.

Hirugarrena.- 12.100 euroko gastua baimentzea, BEZa barne, indarrean dagoen gastu-aurrekontuko 2279 partidaren kontura (Egindako bestelako lanak izenekoa), 2020ko ekitaldiari egoztekoa den parteagatik.

Laugarrena.- Ebazpen hau Kontu-hartzaileari eta prozeduran parte hartzera gonbidatutako enpresei helaraztea.

Iruñean, 2020ko ekainaren 23an.

El Defensor del Pueblo de Navarra

Nafarroako Arartekoa

Francisco Javier Enériz Olaechea