Partekatu edukia
Nafarroako Foru Komunitateko Arartekoaren 2002ko abenduaren 13ko 67/02 Ebazpenaren bidez, SPAI Gestión de Servicios Integrales y Sistemas de Información, S.L. enpresari esleitu zitzaion kontabilitate publikoko aplikazio informatikoa den Euro Sical lizentzia baten hornidura.
Ikusita kudeaketa-teknikariaren txostena, kontu-hartzailetzaren txostena eta egindako kreditu-erreserba, kontuan hartuta Kontratu Publikoei buruzko apirilaren 13ko 2/2018 Foru Legea,
HAU EBAZTEN DUT:
Lehenengoa.- 13.499,97 euroko gastua baimentzea, 6090 partidaren kargura, “Aplikazio informatikoak” deiturikoa, indarrean dagoen gastuen aurrekontuarena, SPAI Sical kontabilitateko aplikazio informatikoa (Euro Sicalen bertsio eguneratua) hornitu eta ezartzeko.
Bigarrena.- Spai Innova Astigitas, S.L. (IFZ: ...) enpresari esleitzea SPAI Sical kontabilitateko aplikazio informatikoaren lizentzia bat hornitzeko eta ezartzeko kontratazioa, 11.157 eurokoa (BEZik gabe).
Hirugarrena.- Ebazpen hau kontu-hartzaileari eta enpresa esleipendunari helaraztea.
Laugarrena.- Ebazpen honen kontra, administrazioarekiko auzi-errekurtsoa jarri ahal izango da Nafarroako Justizia Auzitegi Nagusiko Administrazioarekiko Auzien Salaren aurrean, ebazpena jakinarazi eta bi hilabeteko epean, eta horrek ez dio kalterik egingo ebazpena jakinarazi eta hilabete bateko epean Arartekoaren aurrean aukerako berraztertze-errekurtsoa jartzeko aukerari. Kontratazio publikoaren arloko erreklamazio berezia aurkeztu ahal izango dute baita ere, halaber, kontratu publiko baten lizitazioan eta esleipenean interesa duten enpresek, profesionalek eta pertsonek Nafarroako Kontratu Publikoen Administrazio Auzitegian.
Partekatu edukia