29/23 EBAZPENA, abuztuaren 2koa, Nafarroako Arartekoarena, Nafarroako Arartekoaren komunikazio instituzionalaren kudeaketa- eta aholkularitza-zerbitzuak kontratatzeko prozedura hasten duena, 2023ko irailaren 1etik 2024ko abuztuaren 31a arteko epealdirako.

2023 abuztua 02

Aipatutako zerbitzuak kontratatzeko beharra ondorioztatzen duen txostena, kontratazioa arautzen duten baldintzen agiria, txosten juridikoa eta kontu-hartzailetzaren txostena ikusita, kreditu-erreserba egiaztatzen duena, Kontratu Publikoei buruzko apirilaren 13ko 2/2018 Foru Legea kontuan hartuta.

HAU EBAZTEN DUT:

Lehena.- Aloa comunicación, Comunikaze Sociedad Microcooperativa, Heda Comunicación, S.L., Ilune Diseño, S.L. eta Nacap. Comunicación y RRPP, Sociedad Microcooperativa entitateei zerbitzu horiek emateko eskaintzak aurkeztu ditzatela eskatzea, euren ezaugarriak kontuan hartuz, eskaintzaren eskaerari erantsitako kontratazioa arautzen duten baldintzen pleguan deskribatzen diren bezala, eta horretarako, 2023ko abuztuaren 22ko 14:00etara arteko epea ematea.

Bigarrena.- Zerbitzu horiek kontratatzeko gehienezko gastua urteko 14.700 euro izan dadin finkatzea, BEZa kanpo; 2024ko ekitaldiari egoztekoa den gastua onartuko da, baldin eta 2024ko gastu-aurrekontuko 2279 partidan (“Egindako bestelako lanak” izenekoa) kreditu egokia eta nahikoa baldin badago.

Hirugarrena.- 5.929 euroko gastua baimentzea, BEZa barne, indarrean dagoen gastu-aurrekontuko 2279 partidaren kontura (“Egindako bestelako lanak” izenekoa), 2023ko ekitaldiari egoztekoa den parteagatik.

Laugarrena.- Ebazpen hau Kontu-hartzaileari eta prozeduran parte hartzera gonbidatutako entitateei helaraztea.

Iruñean, 2023ko abuztuaren 2an.

El Defensor del Pueblo de Navarra

Nafarroako Arartekoa

Patxi Vera Donazar