Partekatu edukia
Nº: 26
26/21 EBAZPENA, irailaren 30ekoa, Nafarroako Arartekoarena, administrari baten aldi baterako kontratua zerbitzu-beharrengatik luzatzea xedatzekoa.
Aintzat hartuta herritarrak erakundea erabiltzen ari direla, erakundean administrari gisara diharduen funtzionario batek lanaldia murriztuta duela, eta beste administrari-lanpostu bat hutsik dagoela, beharrezkoa da 2008ko azaroaren 6an sinatu zen administrari baten aldi baterako kontratua luzatzea.
Horrela, bada, aztertu ditut 2008ko azaroaren 6ko kontratua eta horren orain arteko luzapenak, eta Kudeaketako teknikariaren txostena.
Aztertu dut, orobat, 4/21 ebazpena, urtarrilaren 28koa, Nafarroako Arartekoarena, 2021. urterako erakundearen zerbitzuko langileentzako urteko ordainsari gordinak finkatzen dituena, eta, gainera, behar diren kredituak baimentzen eta konprometitzen dituena,
HAU EBAZTEN DUT:
Lehenengoa.- Zerbitzu-beharrizanak direla medio, […] 2008ko azaroaren 6an sinatutako aldi baterako kontratua luzatzea onartzea, Nafarroako Arartekoaren erakundean administrari gisara jarduteko.
Bigarrena.- Kontratuak 2021eko urriaren 1etik 2022ko martxoaren 31ra arteko iraupena izango du, eta erakundearen lantalde organikoan lanpostu horrentzat ezarritako ordainsaria aplikatuko zaio.
Hirugarrena.- Ebazpen hau interesdunari eta kontu-hartzaileari jakinaraztea.
Iruñea, 2021eko irailaren 30ean.
El Defensor del Pueblo de Navarra
Nafarroako Arartekoa
Francisco Javier Enériz Olaechea
Partekatu edukia