Nafarroako Arartekoaren (Q14/996/M) Ebazpena. Horren bidez, Landa Garapen, Ingurumen eta Toki Administrazio Departamentuari gogorarazi zaio herritarrek aurkeztutako eskaerak berariaz ebazteko duen legezko betebeharra, eta, bereziki, [...]ren 2015eko urriaren 3ko eskaerari erantzutekoa.

2015 urtarrila 22

Energia eta ingurumena

Gaia: Falta de contestación a solicitud de información medio ambiental.

Ingurumena

Landa Garapen, Ingurumen eta Toki Administrazio kontseilaria

Kontseilari jauna:

2014ko abenduaren 2an, [...] jaunak, [...]ko idazkariak, aurkeztutako idazkia jaso nuen. Bertan, kexa abiarazi zuen Landa Garapen, Ingurumen eta Toki Administrazio Departamentuaren aurrean, EFA 121/09 LINDUS proiektuari buruzko ingurumen informazio-eskaerari erantzun ez zaiolako.
Zera azaldu zidan idazki horretan:
1. 2014ko abuztuaren 11n, ingurumenari buruzko informazio-eskaera aurkeztu zion [...]k Landa Garapen, Ingurumen eta Toki Administrazio Departamentuari, aipatu proiektuaren gainekoa. Zehazki, garatutako jardueren azken memoriaren kopia eta burututako ekonomia-partiden kopia zehaztua (horien kopuru eta xedeak) eta proiektuaren baitan jasotako diru-laguntzen kopia zehaztua eskatu zituen.
2. 2014ko urriaren 3an, Ingurumen Informazio Sistemen posta elektronikoa jaso zuen. Bertan, web helbide bat eman zioten, ustez eskatu zuen informazioa zuen artxiboa deskarga zezan.
3. Behin informazioa aztertuta, burututako ekonomia-partidei zegozkien datu guztiak (horien kopuru eta xedeak) eta proiektuaren baitan jasotako diru-laguntzen datuak falta zirela hauteman zuen [...]k. Bere eskaeran datu horiek zehaztu zituen.
4. 2014ko urriaren 9an, posta elektronikoa bidali zuen Ingurumen Informazio Sistemen helbidera. Bertan, informazioa berehala bidaltzeko eskatu zuen berriro, 2014ko abuztuaren 11tik iragan zen denbora kontuan hartuta.
5. Kexa jartzeko datan, eta lau hilabete baino gehiago igarota burututako ekonomia-partidei (kopuruak eta xedea) eta LINDUS proiektuaren baitan jasotako diru-laguntzei buruzko informazioa eskatu zuenetik, ez da berau jaso, ez eta informazioaren bidalketaren atzerapena zuritzeko argudio posibleei buruzko jakinarazpenik ere.
  Landa Garapen, Ingurumen eta Toki Administrazio Departamentuak eskatutako ingurumen informazioa [...]ri bidal ziezaiola eskatu zuen.
Jarraian, Landa Garapen, Ingurumen eta Toki Administrazio Departamentura jo nuen, piztutako kontuari buruzko informazioa eman ziezadan eskatzera.
Zera adierazi da jasotako txostenean:
" 2014ko abuztuaren 11n, ingurumen informazio-eskaera aurkeztu zion [...]k Landa Garapen, Ingurumen eta Toki Administrazio Departamentuari, eta garatutako jardueren azken memoriaren kopia eta burututako ekonomia-partiden kopia zehaztua (horien kopuruak eta xedea) eta EFA 121/09 LINDUS proiektuaren baitan jasotako diru-laguntzen kopia zehaztua eskatu zituen.
2014ko urriaren 3an, erantzuna bidali zen, POCTEFA LINDUS proiektuaren web orri ofizialaren helbidea erantsita, bertan baitago eskatutako informazioa.
Abenduaren 5ean, idazki bat igorri zuen Arartekoak, eta [...]k, bere ustean, informazioa falta dela hauteman buen.
Aurkeztutako informazioa aztertuta, zera jakinarazten da:
1. EFA 121/09 LINDUS proiektua ez da Nafarroako Gobernuaren proiektua. POCTEFA programara lehian aurkeztutako proiektua da, onartu egin zutena,eta Auritz/Burgeteko Udala, [...] eta [...] dira horren kideak. Auritz/Burgeteko Udala izan zen proiektuaren taldeburu eta kudeatzailea. Nafarroako Gobernuak aipatu proiektuan izandako papera honakoa izan da: kideetako bati, [...]ri, lagundutako finantzaketa nazionalerako diru-laguntza ematea. Zentzu horretan, taldeburua da horren gaineko informazio orokorra daukana, bai eta kide bakoitzak proiektuan izandako jardueraren barruko ekintza zehatzei buruzko informazioa daukana ere.
2. Honako informazioa aurki daiteke aipatu web orrian:
  - Xedeak.
  - Ekintzak: ekintzen azalpena, egutegiak eta bakoitzaren emaitzen deskribapen zehaztua, behar bezala banakatuta.
  - Proiektuaren egutegiak.
  - Proiektuaren kokaguneak, bakoitzaren deskribapenarekin.
  - Aurrekontua:
    - Finantzaketa plana.
    - Finantzaketa orokorra ekintzen arabera.
    - Ekintzen araberako aurrekontua, eremuen, kideen, mailaren eta urtearen arabera banakatuta.
      
      PDFn eta jatorrizko formatuetan (Word, Excel eta abarretan) deskarga daitezke eduki horiek guztiak.
3. Landa Garapen, Ingurumen eta Toki Administrazio Departamentuari dagokionean, 2010eko uztailaren 19ko Gobernuaren Akordioak onartu zion diru-laguntza [...]ri, 165.762,45 euroko zenbatekoan, eta 218.220,85 eurora zabaldu zen gero, 2012ko azaroaren 7ko Gobernuaren Akordioaren bidez. 211.944,91 euro izan dira egiaztatutako eta ordaindutako zenbatekoak, eta honela banakatzen dira:
  - 2010. urtea: 83.157,47 euros.
  - 2011. urtea: 56.776,80 euros.
  - 2012. urtea: 14.143,29 euros.
  - 2013. urtea: 57.867,35 euro."
4. Azaldu den bezala, [...]k, 2014ko urriaren 9an, Landa Garapen, Ingurumen eta Toki Administrazio Departamentuaren aurrean eta EFA 121/09 LINDUS proiektuari buruz egindako informazio-eskaerari erantzun ez zaiolako jarri da kexa.
  Urriaren 9ko eskaera horretan -zeinak 2014ko abuztuaren 11ko aurretiko eskaera eta 2014ko urriaren 3ko erantzuna dituen-, zera baieztatu da: burututako ekonomia-partiden kopia zehaztua (horien kopuruak eta xedea) eta jasotako diru-laguntzen kopia igorri zaigu, ingurumenari buruzko 1709. informazio-eskaeran, abuztuaren 11koan, eskatu genuen bezala.
  Azken finean, aipatu eskaerarekin, 2014ko abuztuaren 11ko aurreko eskaera berretsi da, horren xedearen zati bati dagokionean (proiektuaren ekonomia-partiden exekuzioa eta jasotako diru-laguntzak).
5. Landa Garapen, Ingurumen eta Toki Administrazio Departamentuak emandako informazioa ikusita, ez da jaso [...]ren urriaren 9ko eskaera interesdunari berariazko erantzuna emanez ebatzi denik.
  Interesdunari eman beharreko berariazko erantzun hori eska daiteke, bai Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeak 42. artikuluan ezarri duenari jarraiki, bai, are zehatzago, ingurumen gaietako informaziorako sarbiderako eskubidea, herritarrek parte-hartzeko eskubidea eta justiziarako sarbiderako eskubidea arautu dituen ekainaren 18ko 27/2006 Legearen 10. artikuluak ezarritakoarekin bat etorriz.
  Horregatik, legezko betebehar horren gaineko gogorarazpena igorri da, interesdunari berariaz erantzun diezaioten, egokia den zentzuan.
6. Eman beharreko erantzunean, erakunde honen iritziz, honen gaineko informazioa eman beharko litzaioke herritarrari:
  - Eskatutako informazioa Landa Garapen, Ingurumen eta Toki Administrazio Departamentuaren eskuetan dagoen, kontuan hartuta ingurumen informaziorako eskubidea herri-administrazioen eskuetan dagoen informazioari buruzkoa dela.
    Departamentuaren txostenean adierazitakoa ikusita egin da gogoeta hori, izan ere, ez dago guztiz argi proiektuaren egilea hirugarren bat denik, eta, Nafarroako Gobernuak horren finantzaketan lagundu duenez, berez, pentsa daiteke eskatu den informazioa, ekonomiari buruzkoa dena (proiektuaren aurrekontuaren exekuzioari eta jasotako diru-laguntzei buruzkoa), Nafarroako Foru Komunitatearen Administrazioaren eskuetan ere egotea (horrela ez balitz, berariaz jakinarazi beharko litzaioke herritar eskatzaileari).
  - Administrazioaren eskuetan egongo balitz, osorik edo zati batean, herritarrari eskatutako informazio publikoa eman beharko litzaioke, edo, hipotesirik kaltegarrienean, horren ukapena arrazoitu. .
    Erakunde honek balioetsi duenaren arabera, zera litzateke zuzenbidearekin bat etorriko ez litzakeena: web orri bat bidaltzea, eta, eskatutako informazioaren zati baten gabezia adierazi ondoren (proiektuaren aurrekontuaren exekuzioa eta jasotako diru-laguntzak), eta eskaera hori errepikatuta ere, erantzun oro saihestea eskatzaileari.
7. Horrenbestez, eta Nafarroako Foru Komunitateko Arartekoaren uztailaren 3ko 4/2000 Foru Legearen 34.1. artikuluak esleitu dizkidan ahalmenekin bat eginez, egoki ikusi dut:
  Landa Garapen, Ingurumen eta Toki Administrazio Departamentuari gogoraraztea herritarrek aurkeztutako eskaerak berariaz ebazteko duen legezko betebeharra, eta, bereziki, [...]ren 2015eko urriaren 3ko eskaerari erantzutekoa.

Nafarroako Foru Komunitateko Arartekoaren uztailaren 3ko 4/2000 Foru Legearen 34.2. artikuluari jarraiki, egokia da Landa Garapen, Ingurumen eta Toki Administrazio Departamentuak gehienezko bi hilabeteko epean adierazi dezala, aginduzkoa baita, gogorarazpen hau onartzen duen ala ez, eta, hala balitz, baita berau betetzeko hartutako neurriak onartzen dituen adieraz dezala ere.

Legezko agindu horretan ezarritakoarekin bat etorriz, gogorarazpena ez onartzeak kasua Nafarroako Parlamentuari azalduko zaion urteroko txostenean, 2014. urteari dagokionean, sartzea ekarri ahal izango du, eta berariaz aipatuko da aldeko jarrerarik eduki ez duen administrazioa, aldeko jarrera edukitzea posible zela uste denean.

Zure erantzunaren zain, adeitasunez agurtzen zaitu,

El Defensor del Pueblo de Navarra

Nafarroako Arartekoa

Francisco Javier Enériz Olaechea