Ebazpenak

Nafarroako Arartekoaren (Q14/1034 eta Q15/26-29-32-40-41-60-61-62-63-70-71) Ebazpena. Horren bidez, Berako Udalari 2014. urtean familiabakarreko etxebizitzetako jabeei ezarritako lurralde-kontribuzioa berrikusteko.

Ogasuna

Gaia: Excesivo incremento de contribución urbana.

Ogasuna

Berako alkatea

Alkate andrea:

1. 2015eko urtarrila eta otsaila bitartean Berako herritarren hainbat idatzi jaso nituen. Horien bidez, katastro-baloreen aldaketa desberdin baten ondoren beraien ustez gehiegizkoa den udal-zergaren igoera dela eta, kexak jarri zituzten.

   Honakoa adierazi zidaten herritarrek:

   1. 2013. urte amaieran, Berako Udalak katastro-balorazioaren txosten berri bat onartu zuen.

   2. Horren ondorioz, udalak hiri-kontribuzioaren zergaren tasa murriztuak aldatu ditu, %0,215tik %0,28ra igoz.

   3. Igoera honek aldaketa ezberdina suposatu du Berako herritarrentzat. Izan ere, etxebizitza kolektiboetan katastro balorea %40-60 artean jaitsi da eta %20-30 artean Ondasun Higiezinen Zergaren kopuruan. Aldez, familiabakarreko etxebizitzetan Ondasun Higiezinen Zergaren gorakako %300erainoko aldaketak egon dira, %1200eko igoerak dakartenak katastro-baloreetan.

2. Horren ondotik, Berako Udalera jo nuen, kexaren berri emateko, eta eskatu nion sortutako gaiari buruz informazioa emateko.

   Udal horrek espedientean agertzen den txostena egin du.

3. Islatu den bezala, kexak aurkeztu dira Berako familiabakarreko etxebizitzen lurraren kontribuzioaren gorakadagatik, oinarrian katastro-balorearen aldaketa eta “eraikuntzaren balorearen” eguneratzea duena.

4. Erakunde honen iritziz, kexagileei ezarritako zergaren gorakada herritarren arteko proportzionaltasun eta zerga kargaren bidezko banaketaren printzipioekin lehiatzen da, zergen ezarpenaren jardunaren osotasuna zuzentzen eta mugatzen dutenak.

   Ondorio hau hurrengoagatik atera dugu:

   1. Proportzionaltasun printzipioa kexagileei 2013 eta 2014 artean ezarritako gorakadak gehiegizkotzat jo daitekeen tamaina erlatiboa du (%26 baino gehiago).

      Gorakada hau, ondorioztatzen den bezala, higiezinen katastro-balorazio baten garapenean oinarritzen da, azken katastro eguneraketaren eta aurrekoaren arteko daten artean (hamar urte baino zertxobait gehiago) higiezinen merkatuaren garapenarekin bateraezina dirudiena.

   2. Herritarren arteko zerga kargaren bidezko banaketa, berdintasun eta orokortasun konstituzio printzipioekin lotutakoa, Berako Udalak jakinarazitakoa onartuz (udalak zergen ehunekoa igo du eta familiabakarreko etxebizitzen balorea igo da pisuena jaitsi den bitartean), familiabakarrekoen jabeek zerga honekin, aurreko egoerarekin eta etxebizitza kolektiboetan bizi direnekin konparatuz, zerga karga askoz handiagoa jasango lukete.

      Horregatik, erakunde honek Berako Udalari gomendatzen dio familiabakarrekoen lurralde-kontribuzioa berrikusteko, aurretik aipatutako printzipioei egokitzeko helburuz.

5. Horrenbestez, eta Nafarroako Foru Komunitateko Arartekoari buruzko uztailaren 3ko 4/2000 Foru Legearen 34.1. artikuluak esleitu dizkidan ahalmenekin bat eginez, egokitzat jo dut:

   Berako Udalari 2014. urtean familiabakarreko etxebizitzetako jabeei ezarritako lurralde-kontribuzioa berrikusteko.

Nafarroako Foru Komunitateko Arartekoari buruzko uztailaren 3ko 4/2000 Foru Legearen 34.2. artikuluari jarraiki, bidezkoa da Berako Udalak, nahitaezkoa den moduan, gehienez ere bi hilabeteko epean jakinaraz dezala iradokizun hau onartu duen eta, hala balegokio, zein neurri hartuko duen betetzeko.

Legezko manu horretan ezarritakoarekin bat eginez, gomendioa onartzen ez bada, kasua Nafarroako Parlamentuarentzako 2015. urteko txostenean sartuko da eta berariaz aipatuko da posibletzat jo denean aldeko jarrera agertu ez duen administrazioa.

Zure erantzuna laster jasoko dugulakoan, jaso ezazu agur bero bat

Nafarroako Arartekoa

Francisco Javier Enériz Olaechea