Partekatu edukia
Herri Lanak eta Zerbitzuak
Gaia: Disconformidad con falta de contestación para arreglo de pista.
Herri-lanak
Berako Alkatea
Alkate jauna,
2016ko urriaren 20an erakunde honek [...] andreak aurkeztutako idatzia jaso zuen. Horren bidez, kexa bat jarri zuen Berako Udalaren aurrean, haren etxebizitzara doan bidea konpontzeko egindako eskaerari erantzunik eman ez ziotelako.
Zera azaldu zuen idazki horretan:
todo-unobota zutela bertan eta noizbehinka berritu egin izan dutela, baina momentu honetan ezin dela bide horretatik igaro.
Joan den astean autoa matxuratu zitzaiola aipatutako bidean, auto-barrenetan emandako golpe baten ondorioz.
Hori guztia dela eta, Berako Udalari esku-hartzeko eskatu dio, etxebizitzaraino doan pista egokitu dezan.
Jarraian, erakunde honek Berako Udalera jo zuen, planteaturiko gaiari buruzko informazioa eskatzeko.
Hauxe adierazi da jasotako txostenean:
“2016ko urriaren 24an udalean [...] andreak aurkeztutako kexa helarazi digun mezu elektronikoa jaso dugu. Horren bidez, jakin dugu ez dagoela ados haren etxera iristeko bidea konpontzeko egindako eskaerari ez zaiolako erantzunik eman.
Igorritako mezuari erantzunez, honakoa adierazi beharrean nago:
Udal honen Sarrera eta Irteera Erregistroa eta 012an jasotako kexak aztertu ondoren, jasotako kexen artean ez da kexagileak aurkeztutako idazkirik aurkitu.
Interesdunarekin harremanetan jarri ondoren, adierazi digu zenbait kexa-mezu igorri dituela web-orriaren bidez eta horietako azkena irailaren 19an birbidali zigula.
Hori ikusita, adierazi behar dizut ahozko erantzuna eman zaiela eta horien bidez, honakoa jakinarazi dela: Lurzoru Ez Urbanizagarriaren Arauen 9. artikuluaren arabera, beraiei dagokie bidea konpontzea, nahiz eta udalak egin zaion eskaera aintzat hartuko duen, posible denean aurrera eramateko.”
Agerian geratu denez, kexa interesdunaren etxebizitzarako sarbideko bidearen egoera dela-eta aurkeztu zen.
Toki-araubidearen oinarriak arautzen dituen legearekin bat eginez, Berako Udalak badu eskumena herri barruko bide publikoen zoladura eta errepideak eta baserri-bideak zaintzeko [(25.1 d artikulua)].
Kasu honetan, emandako eskumenaz baliatuta, egokitu behar den bidearen ezaugarri eta erabileraren araberako zerbitzua ematen saiatu behar du udalak.
Udalaren zerbitzuak herritarrei ematen zaien tratuaren berdintasunaren printzipioa bete behar du, horregatik, errepideak eta baserri-bideak, antzeko kasuetan lortu diren baldintza berdinetan ez bada, gutxienez, oso antzekoetan egon daitezela eskatu behar da.
Bera bezalako herrien erdigunetik aldenduta dauden etxebizitzen egoera, Nafarroako udalerrien testuinguruan, ohikoa eta arrunta da eta babesa merezi du.
Erakunde honen iritziz, etxebizitzak eta etxe multzoak sakabanatuta daudenean udalari dagokio bertara iristeko bideak egokitzea, bide horietatik igarotzeko aukera egon dadin, horrelako kasuetarako normalean onartutako irizpide edo konponbideak baliatuz eta arrazoizko epeetan.
Horrenbestez, eta Nafarroako Foru Komunitateko Ararteko erakundearen uztailaren 3ko 4/2000 Foru Legearen 34.1. artikuluak esleitu dizkidan ahalmenekin bat eginez, beharrezkoa ikusi dut:
Berako udalari gomendatzea interesdunaren etxebizitzarako bidea konpondu dezala, bertatik igarotzeko aukera egoki bermatuz.
Nafarroako Foru Komunitateko Arartekoari buruzko uztailaren 3ko 4/2000 Foru Legearen 34.2. artikuluari jarraiki, bidezkoa da Berako Udalak, nahitaezkoa den moduan, gehienez ere bi hilabeteko epean jakinaraz dezala iradokizun hau onartu duen eta, hala balegokio, zein neurri hartuko duen betetzeko.
Legezko agindu horretan ezarritakoarekin bat etorriz, gomendioa ez onartzeak kasua Nafarroako Parlamentuari azalduko zaion urteroko txostenean, 2016. urteari dagokionean, sartzea ekarri ahal izango du, eta berariaz aipatuko da aldeko jarrerarik eduki ez duen administrazioa, aldeko jarrera edukitzea posible zela uste denean.
Zuen berrien zain, adeitasunez,
Nafarroako Arartekoa
Francisco Javier Enériz Olaechea
Partekatu edukia