Albisteak

Patxi Vera Nafarroako Arartekoa Senatuan LORAFNAren 40. urteurrena ospatzeko egin den ekitaldian izan da

Nafarroako Gobernua, agintariak eta ordezkari politikoak Madrilen izan ziren azaroaren 28an, astelehena,  Nafarroako Foru Eraentza Berrezarri eta Hobetzeari buruzko Lege Organikoaren urteurrenean.

Lege organiko hori Nafarroako Foru Komunitatearen oinarrizko arau instituzionala da, eta 1982an jarri zen indarrean. Foru-araubidea eguneratzen  eta Nafarroako mendetako atogobernuan sakontzen du. Lege Organikoak Nafarroako foru-erakundeak ezartzen eta arautzen ditu, bai eta Foru Komunitatearen ahalmenak eta eskumenak ere.

Senatuko bilkura-areto zaharrean egindako oroipen-ekitaldian, Chivite presidenteak arauaren balioa aldarrikatu zuen, eta araua garatzen jarraitzea defendatu zuen, “leialtasun instituzionaletik eta batasun konstituzionaletik”. Ander Gil Senatuko presidenteak ere parte hartu zuen ekitaldian, eta nabarmendu zuen “oso balio sinboliko handia” duela Goi Ganberan arau horrek.