Albisteak

Nafarroako Arartekoa Nafarroako Gobernuko Bigarren lehendakariordea eta Lurralde Antolamenduko, Etxebizitzako, Paisaiako eta Proiektu Estrategikoetako kontseilariarekin bildu da

Pasa den ekainaren 3an, Patxi Verak, Nafarroako Arartekoak, bilera bat izan zuen Javier Remirezekin, Nafarroako Gobernuko Bigarren lehendakariordea eta Lurralde Antolamenduko, Etxebizitzako, Paisaiako eta Proiektu Estrategikoetako kontseilariarekin.

Haren egoitzan egin zen bileran, Gobernua garatzen ari den eta herritarrak zuzenean inplikatzen dituzten politika publiko eta jarduera-neurri batzuk aztertu ziren.

Gai horien artean, 2/2022 Foru Lege Dekretua, maiatzaren 23koa, Administrazioaren zerbitzura dauden aldi baterako langileak egonkortzeko prozesuak egiteko neurriei buruzkoa, Nafarroako Parlamentuak berresteko zain dagoena, jorratu zen, beste gai batzuez gain, hala nola desgaitasunaren arretaren zeharkakotasuna; euskara merezimendutzat hartzea deialdi publikoetan eta seinaleztapenean sartzea eremu euskaldunetan eta mistoetan; Poliziei buruzko Legea garatu eta aplikatzea; Foruzaingoaren jarduera; genero-indarkeriaren biktimak babesteko protokoloa lan-eskaintza publikoak egitean, eta Estatuko atzerritartasun eta Gizarte Segurantzako zerbitzuek Nafarroan duten egoera.

Bileran, Departamentuaren aldetik, Javier Remírez, Joseba Asiain (Lehendakaritzako eta Gobernu Irekiko Zuzendari Nagusia) eta Vera Villafranca (Kabineteko burua) egon ziren; Arartekoaren aldetik, Patxi Verari, Carlos Sarasibarrek (Idazkari Nagusia) eta Susana Galileak (Kabineteko burua) lagundu zioten.