Albisteak

Nafarroako Arartekoa desgaitasuneko Foru Legeko Proiektuaren aurkezpenean izan zen

Nafarroako Arartekoak Desgaitasunen duten Pertsonei Laguntzeko eta Haien Eskubideak Bermatzeko etorkizuneko Foru Legearen partaidetza-prozesuaren itzulera-saioan parte hartu zuen, urriaren 4an, Baluarten.

Foru lege proiektuak, zeina orain Nafarroako Parlamentuari aurkeztu beharko baitzaio, Nafarroako Zuzenbide Zibilean txertatzen ditu desgaitasuna duten pertsonei laguntzeko legeria zibilaren eta prozesalaren erreformaren ostean izandako aldaketak. Desgaitasuna duten Pertsonen Ordezkarien Nafarroako Batzordeak (CERMIN) eta Desgaitasunaren Kontseiluak parte hartu dute, bai eta desgaitasuna duten pertsonek ere, hainbat lan-saioren bidez, eta herritarrek, oro har. Guztira, 550 ekarpen baino gehiago hartu dira kontuan.

Itzulera-ekitaldian, legea egiteko prozesuan parte hartzen duten taldeetako ordezkariek parte hartu zuten, baita Nafarroako Presidente María Chivitek, Nafarroako Gobernuko Eskubide Sozialetako Kontseilari Mari Carmen Maeztuk, Eskubide Sozialetako idazkari nagusi tekniko Ignacio Iriartek eta Nafarroako Desgaitasuna duten Pertsonen Erakunde Ordezkarien Batzordeko (CERMIN) zuzendariak ere. Ekitaldia Gure Sustraiak Zentro Okupazionaleko pertsonek gidatu zuten, eta Atena Fundazioaren eta Motxila 21aren jardunekin girotua.