Partekatu edukia
Joan den irailaren 18an, Nafarroako Arartekoak, Patxi Verak, O24/15 Ebazpena eman zuen (esteka honetan dago eskuragarri). Ebazpen horretan, Eskubide Sozialetako, Ekonomia Sozialeko eta Enpleguko Departamentuari eta Etxebizitzako, Gazteriako eta Migrazio Politiketako Departamentuari gomendatzen zaie lankidetzan aritu daitezela Gobernu Zentralarekin eta gainerako autonomia-erkidegoekin, gaur egun Kanariar Uharteetan larrialdi humanitarioko egoeran dauden inoren kargura ez dauden haur eta nerabe atzerritarren banaketa geografikoa ahalbidetuko duen irtenbide batean.
Ebazpen horren jatorria ofiziozko jarduera bat da. Arartekoak berak hasi zuen jarduera hori uztailean, bere homologoak Uharteetan eskatuta, Diputada del Común-ek, orduan gainerako arartekoei lankidetza eskatu baitzien giza eskubideen krisi larri hori konpontzeko. Lehen jarduketa horri erantzuteko, bi departamentuek berretsi zuten lankidetzan aritzeko asmoa zutela, beren eskumenen barruan, konponbide bat errazteko.
Adingabearen interes gorenari begira egindako lankidetzan aritzeko gomendioaz gain, Nafarroako Arartekoak iradoki zien beharrezkoak diren baliabideak aurreikus zitzatela adingabeek arreta egokia eta zeharkakoa jaso dezaten, gizarteratzeko izapideak arindu daitezen eta bi departamentuen artean kanal koordinatu bat ezar dadin.
Esteka honek aukera ematen die interesdun guztiei Arartekoak emandako O24/15 ebazpena eskuratzeko.
Partekatu edukia