Partekatu edukia
Patxi Vera Nafarroako Arartekoa Erorien Monumentua Eraisteko Plataformako ordezkariekin bildu zen. Plataforma hori 29 elkarte memorialistek osatzen dute. Plataformaren ordezkaritza Joaquín Iraizoz, Enrique Miranda eta Josetxo Arbizu jaunek osatu zuten, eta Arartekoaren ordezkaritzan Carlos Sarasibar erakundeko idazkari nagusia ere egon zen.
Bileran, Plataformako kideek Memoria Demokratikoari buruzko 20/2024 Legean oinarritutako argudio juridikoak azaldu zituzten, eta, haien iritziz, monumentu frankista hori eraisteko erabakia babesten dute, Espainiako bigarren handiena Cuelgamurosen ondoren.
Halaber, Nafarroako Gobernuko presidentearekin, Parlamentuko lehendakariarekin eta Iruñeko alkatearekin izandako bileren berri eman zuten. Gainera, Nafarroako Parlamentuko Memoriaren eta Bizikidetzaren Batzordearen aurrean agertu behar zutela jakinarazi zuten.
Bileran, batzordekideek adierazi zuten monumentu horrek Nafarroan eraildako eta errepresaliatutako pertsonen familia guztiak birbiktimizatzen dituela. Familia horiek aukera izan zuten biktimei omenaldia egiteko, eraildako 3.700 pertsona baino gehiagoren izenak irakurriz.
Partekatu edukia