Partekatu edukia
Foroak eskatu zuen topaketa hori, Arartekoa erakundeari Foro Sozialak egiten dituen jardueren gaurkotasuna aurkezteko. Ildo horretan, honako hauen berri eman zioten: presoak Nafarroako eta EAEko espetxeetara ekartzeko egungo egoera, motibazio politikoko delituengatik presoei baimenak eta jarduera sozialetan parte hartzea ukatzea, legedi arruntean presoentzat aurreikusitako birgizarteratze-ibilbideak, behatokiaren lana, alderdi politikoekin eta sindikatuekin egindako jardunaldiak eta bilerak, eta Iruñeko espetxean dagoen egoera zehatza.
Foro Sozialaren aldetik Juan Jesus Soria, Fernando Armendariz eta Gorka Garcia joan ziren, eta Arartekoaren aldetik, berriz, Patxi Vera Donazar, Carlos Sarasibar eta Susana Galilea.
Partekatu edukia