Albisteak

Arartekoa Herritarrekiko Harremanetako Kontseilariarekin bildu da

Pasa den maiatzaren 27an, ostiralean, Patxi Vera Arartekoak eta Ana Ollo Herritarrekiko Harremanetarako Kontseilariak lan-bilera bat izan zuten departamentuaren bulegoetan.

Bilera horretan, herritarrek kexatzeko gai izan ohi diren hainbat gai nabarmendu ziren, hala nola Foru Administrazioaren arlo batzuetan euskararik ez izatea eta lanpostuen deialdietan merezimendu gisa baloratzea edo ez baloratzea. Era berean, Nafarroako Bizikidetzaren I. Plan Estrategikoaren gidalerroak eta horiek politikaren eta gizartearen eremuan duten eragina aztertu ziren.

Bileran izan ziren, Herritarrekiko Harremanetako Departamentutik, Ana Ollo eta Marta Guruciaga kabineteko burua, eta, Arartekoko erakundetik, Patxi Vera, Carlos Sarasíbar (Idazkari Nagusia) eta Susana Galilea (Kabineteko Burua).